| Strabo, Geography (XML Header) [genre: prose] [word count] [lemma count] [Str.]. | ||
| <<Str. 7.3.1 | Str. 7.3.2 (English English(2)) | >>Str. 7.3.4 |
7.3.1τὸ δὲ νότιον μέρος τῆς Γερμανίας τὸ πέραν τοῦ Ἄλβιος τὸ μὲν συνεχὲς ἀκμὴν ὑπὸ τῶν Σοήβων κατέχεται · εἶτʼ εὐθὺς ἡ τῶν Γετῶν συνάπτει γῆ , κατʼ ἀρχὰς μὲν στενή , παρατεταμένη τῷ Ἴστρῳ κατὰ τὸ νότιον μέρος , κατὰ δὲ τοὐναντίον τῇ παρωρείᾳ τοῦ Ἑρκυνίου δρυμοῦ , μέρος τι τῶν ὀρῶν καὶ αὐτὴ κατέχουσα , εἶτα πλατύνεται πρὸς τὰς ἄρκτους μέχρι Τυρεγετῶν · τοὺς δὲ ἀκριβεῖς ὅρους οὐκ ἔχομεν φράζειν . διὰ δὲ τὴν ἄγνοιαν τῶν τόπων τούτων οἱ τὰ Ῥιπαῖα ὄρη καὶ τοὺς Ὑπερβορείους μυθοποιοῦντες λόγου ἠξίωνται , καὶ ἃ Πυθέας ὁ Μασσαλιώτης κατεψεύσατο ταῦτα τῆς παρωκεανίτιδος , προσχήματι χρώμενος τῇ περὶ τὰ οὐράνια καὶ τὰ μαθηματικὰ ἱστορίᾳ . ἐκεῖνοι μὲν οὖν ἐάσθωσαν · οὐδὲ γὰρ εἴ τινα Σοφοκλῆς τραγῳδεῖ περὶ τῆς Ὠρειθυίας λέγων ὡς ἀναρπαγεῖσα ὑπὸ Βορέου κομισθείη οὐδὲν ἂν εἴη πρὸς τὰ νῦν , ἀλλʼ ἐατέον , ὥσπερ καὶ ἐν τῷ Φαίδρῳ ὁ Σωκράτης . ἃ δὲ ἔκ τε τῆς παλαιᾶς ἱστορίας καὶ τῆς νῦν παρειλήφαμεν , ταῦτα λέγωμεν .
οἱ τοίνυν Ἕλληνες τοὺς Γέτας Θρᾷκας ὑπελάμβανον · ᾤκουν δʼ ἐφʼ ἑκάτερα τοῦ Ἴστρου καὶ οὗτοι καὶ οἱ Μυσοὶ Θρᾷκες ὄντες καὶ αὐτοὶ καὶ οὓς νῦν Μοισοὺς καλοῦσιν , ἀφʼ ὧν ὡρμήθησαν καὶ οἱ νῦν μεταξὺ Λυδῶν καὶ Φρυγῶν καὶ Τρώων οἰκοῦντες Μυσοί . καὶ αὐτοὶ δʼ οἱ Φρύγες Βρίγες εἰσί , Θρᾴκιόν τι ἔθνος , καθάπερ καὶ Μυγδόνες καὶ Βέβρυκες καὶ Μαιδοβιθυνοὶ καὶ Βιθυνοὶ καὶ Θυνοὶ , δοκῶ δὲ καὶ τοὺς Μαριανδυνούς . οὗτοι μὲν οὖν τελέως ἐκλελοίπασι πάντες τὴν Εὐρώπην , οἱ δὲ Μυσοὶ συνέμειναν . καὶ Ὅμηρον δʼ ὀρθῶς εἰκάζειν μοι δοκεῖ Ποσειδώνιος τοὺς ἐν τῇ Εὐρώπῃ Μυσοὺς κατονομάζειν (λέγω δὲ τοὺς ἐν τῇ Θρᾴκῃ ) ὅταν φῇ ἐπεὶ εἴ γε τοὺς κατὰ τὴν Ἀσίαν Μυσοὺς δέχοιτό τις , ἀπηρτημένος ἂν εἴη ὁ λόγος . τὸ γὰρ ἀπὸ τῶν Τρώων τρέψαντα τὴν ὅρασιν ἐπὶ τὴν Θρᾳκῶν γῆν συγκαταλέγειν ταύτῃ τὴν τῶν Μυσῶν , τῶν οὐ νόσφιν ὄντων ἀλλʼ ὁμόρων τῇ Τρῳάδι καὶ ὄπισθεν αὐτῆς ἱδρυμένων καὶ ἑκατέρωθεν , διειργομένων δʼ ἀπὸ τῆς Θρᾴκης πλατεῖ Ἑλλησπόντῳ , συγχέοντος ἂν εἴη τὰς ἠπείρους καὶ ἅμα τῆς φράσεως οὐκ ἀκούοντος . τὸ γὰρ πάλιν τρέπεν μάλιστα μέν ἐστιν εἰς τοὐπίσω · ὁ δʼ ἀπὸ τῶν Τρώων μεταφέρων τὴν ὄψιν ἐπὶ τοὺς μὴ ὄπισθεν αὐτῶν ἢ ἐκ πλαγίων ὄντας προσωτέρω μὲν μεταφέρει , εἰς τοὐπίσω δʼ οὐ πάνυ . καὶ τὸ ἐπιφερόμενον δʼ αὐτοῦ τούτου μαρτύριον , ὅτι τοὺς ἱππημολγοὺς καὶ γαλακτοφάγους καὶ ἀβίους συνῆψεν αὐτοῖς , οἵπερ εἰσὶν οἱ ἁμάξοικοι Σκύθαι καὶ Σαρμάται . καὶ γὰρ νῦν ἀναμέμικται ταῦτα τὰ ἔθνη τοῖς Θρᾳξὶ καὶ τὰ Βασταρνικά , μᾶλλον μὲν τοῖς ἐκτὸς Ἴστρου , ἀλλὰ καὶ τοῖς ἐντός . τούτοις δὲ καὶ τὰ Κελτικά , οἵ τε Βόιοι καὶ Σκορδίσκοι καὶ Ταυρίσκοι . τοὺς δὲ Σκορδίσκους ἔνιοι Σκορδίστας καλοῦσι · καὶ τοὺς Ταυρίσκους δὲ Τευρίσκους καὶ Ταυρίστας φασί .
noteὑπέρ τε πόντον πάντʼ ἐπʼ ἔσχατα χθονὸς
νυκτός τε πηγὰς οὐρανοῦ τʼ ἀναπτυχάς ,
Φοίβου παλαιὸν κῆπον ,
7.3.2
noteαὐτὸς δὲ πάλιν τρέπεν ὄσσε φαεινώ ,
νόσφιν ἐφʼ ἱπποπόλων Θρῃκῶν καθορώμενος αἶαν
Μυσῶν τʼ ἀγχεμάχων .
| Strabo, Geography (XML Header) [genre: prose] [word count] [lemma count] [Str.]. | ||
| <<Str. 7.3.1 | Str. 7.3.2 (English English(2)) | >>Str. 7.3.4 |
